Under the Sea - Cake Smash

繽紛嘅海底世界,住咗可愛嘅小小美人魚。除咗擁有最具代表性嘅魚尾外,另外一頭橙紅色、波浪形長髮亦非常突出。

相信好多媽媽都睇過《小魚仙》呢套動畫,而且仲係佢嘅 fans 添!有別於一般只懂等待別人拯救嘅公主,小美人魚公主嘅個性鮮明特別。

人魚公主係人魚國王最心愛嘅女兒,就好似每一個嚟影相嘅 BB,係媽媽爸爸心中嘅寶貝。

小小美人魚最愛收集人類世界嘅物品,用探險家嚟形容就最適合。場景設計師設計 Under the Sea 場景時,破格將 Cake Smash 嘅舞台由室內搬到海底世界,更特別將美人魚公主海底尋寶情境同海中 Party 加入 Cake Smash 場景之中。

為咗能夠突顯小朋友係 Under the Sea,場景中加入代表海水泡泡嘅小裝飾:一款係背景嘅白色泡泡串,另一種係海底嘅透明泡泡球。加上不同形狀嘅珊瑚,令美人魚小公主完全置身海底世界。

媽媽話想 BB 可以好似 Ariel 公主擁有一頭紅髮,設計師特別訂咗紅髮俾 BB 影相,加埋幻彩布料質地嘅魚尾,顯示出魚尾嘅鱗片效果。

喺 Under the Sea 玩完 Cake Smash,點可以唔體驗埋 Bubble bath 㗎!好多 BB 日日沖涼玩水,但唔少係未玩過 Bubble,所以一定要試。Studio 全年室內恆溫27 度,設有防水滴暖風機,夏天冬天都可以沖泡泡浴。

[場邊小故事:曾經有位媽媽查詢,問可唔可以喺 Under the Sea 場景沖 Bubble bath,答覆係唔可以㗎~原因係人魚公主本已經身處海洋之中,喺水入面係唔需要再沖涼。當佢離開 Under the Sea 場景嚟到其他場景就可以露出雙腿盡情體驗 bubble bath 樂趣。(純屬設計師嘅見解~haha)]

美人魚小公主聰明美麗、自信勇敢、滿懷夢想、熱愛冒險,媽媽爸爸選擇呢個場景作為小朋友 1 歲生日相嘅主題,除咗因為美人魚造型可愛,相信亦係父母希望自己嘅小公主可以好似 Ariel 公主一樣勇敢追尋自己嘅夢想。

P.S. 設計師溫馨提示:

如果想小朋友著魚尾拍攝,小朋友必須 1 歲或以下,尚未學懂行路。由於魚尾偏窄並包裹雙腿,小朋友站立或行走,容易失去平衡跌倒。基於安全理由,1 歲或以上小朋友會穿著另一款服飾。詳情可以 inbox 向我哋查詢。

Featured Posts

Post Categories

Cake Smash

New Born

Natural

Recent Posts
Archive
Search By Tags
Follow Us
  • facebook.png
  • instagram.png