大家有沒有發覺每年11月到日本旅行參觀神社時，都會發現一些穿著和服嘅日本小朋友於身邊走來走去？原來係關於一個叫「七五三」嘅日本節日。
七五三節
七五三節係日本一個獨特嘅節日。日本人有一個習俗，初生 BB 出世後 30 至 100 天內需至神社參拜保護神，到了三歲（男女童）、五歲（男孩）、七歲（女孩）則於每年嘅 11 月 15 日（明治維新前係農曆十一月十五）再去神社參拜，感謝神祇保佑之恩，並祈祝兒童能健康成長。宜家嘅七五三節不會規定喺 11月15日 舉行，只要喺 11 月嘅大吉日都可以舉行。
日本有一句諺語「七歲前的小孩子都是神明的小孩」，大家都認為七歲前嘅小朋友都唔係真正誕生於世上。所以在 7 歲之前，大人都會舉辦唔同嘅儀式去祈求孩子平安長大。
七五三節係一般家庭到神社裡參拜、祈福嘅日子。除了小朋友年齡係節日嘅一個特色之外，「衣著」亦都係另一項重點！由於傳統上，小朋友喺七五三呢天就係拿掉腰帶開始紮束帶嘅日子，所以又稱為「束帶祝賀」。
3歲（髪置きの儀）：
由於喺江戶時代嘅小孩子3歲前不能留髮，所以呢度係紀念結束剃髮嘅一年。女孩子會穿着有肩摺嘅振袖和服，唔會綁腰帶，上面加一件背心式嘅披風 -「被布」。男孩則會穿著和服與袴。（因為振袖和服加腰帶比「被布」更華麗精美，所以我哋專門到日本訂製適合3歲女孩子嘅振袖和服及腰帶。）
5歲（袴着の儀）：
男孩子會穿和服和袴，現代亦有人會穿著西裝，係一個代表重要成長嘅年齡，之後男孩子就要等到20歲嘅成人禮了。
7歲（紐解の儀）：
7歲女孩子可以與成年人一樣開始穿著正式和服嘅年齡，是一個非常重要嘅階段。華麗嘅振袖和服加上各種和服小配件，女孩子變成大和撫子。
千歲糖（千歲飴）
除此之外，七五三節中最重要就係「千歲糖」，大家都會買符合自己歲數都嘅千歲糖。呢種糖果有點像麥芽糖，好有延展性，不論從邊一面開始吃，斷面圖案都會維持一致，象徵長壽之意，表達希望小朋友健康成長嘅心情。
有說千歲糖係源自於東京嘅神社「神田明神」售賣嘅「祝糖」，而有記錄最早售賣千歲糖嘅店舖則係位於淺草嘅水果糖店-七兵衛。每年日本各地都有舉辦「七五三節」習俗，大家有興趣下次去日本可以感受一下。
「茶道」
日本「茶道」係一種古老文化，將由中國傳到日本嘅飲茶文化融合大和精神，發展成日本獨有嘅文化景觀；由茶器、茶室擺飾、茶室建築、茶室外嘅庭院等，一起共構出質樸素淨嘅氛圍。
抹茶係京都嘅特產之一，因此到了京都旅遊，最好坐在茶室內用茶碗喝抹茶，讓自己徹底融入古都氛圍之中。傳統茶室更會提供抹茶體驗，待茶師說明並示範茶道流程之後，就可以自己親手製作抹茶！
「紅葉狩」由來
京都 - 呢個日本古都最適合大家春天或秋天到訪，與春天嘅「花見」（賞櫻花）一樣，秋天嘅「紅葉狩」（賞紅葉）係日本代表性秋遊活動之一。舒服的天氣加上滿山的楓葉，也吸引好多人前來日本追楓、賞紅葉，等我哋都一齊領略這秋天獨有韻味和壯觀嘅紅葉美景！
不過，不同於賞櫻花嘅「花見」，「賞楓」日文不以紅葉見，而多以「紅葉狩(もみじがり)」稱之。紅葉狩流傳自平安時代貴族間嘅風雅活動，擅于舞文弄墨嘅貴族們手執楓葉、賞玩吟詠，文學作品《萬葉集》、《源氏物語》都曾提及，將其比擬為“狩”，但並非真正嘅狩獵，而係有尋訪之意，「紅葉狩(もみじがり)」代表人們追逐紅葉嘅蹤跡尋訪。
醍醐寺紅葉
位於京都醍醐寺雖然離市區較遠，但每年仍吸引不少遊客專程前往觀賞絕美紅葉景。寺內有多棵楓樹、銀杏樹，而當中以三寶院嘅楓景最為優美。湖上嘅小橋、被銀杏和紅葉重重包圍寺廟，非常詩情畫意！一邊欣賞紅葉美景，一邊品嚐抹茶、和菓子，感受日本古代貴族嘅風雅。
紅葉，不只是楓葉
「紅葉」喺日語裏用來泛指秋天有顏色嘅葉子（黃色、紅色和橙色等等）。大部分紅葉，係日本嘅楓樹，大致說來有伊呂波楓、大楓、板屋楓、羽扇楓以及來自中國嘅唐楓。仲有一些高大嘅落葉喬木，像白樺和銀杏，其金黃色嘅葉子都係秋季景色中不可缺少嘅一員。
日本屋台美食
參加完紅葉狩活動，相信大家都有 D 肚餓。小朋友變身日本屋台老闆，製作最受歡迎嘅屋台美食，我哋仲挑選最適合秋冬季節嘅美食，等小朋友體驗日本人製作食物嘅認真。
烤魷魚（イカ焼き）
烤魷魚以炭火燒烤整隻魷魚，塗上甜辣口感嘅燒汁後，香味傳八方吸引來祭典看熱鬧嘅人群。份量大嘅烤魷魚十分適合分食，所以見到排隊人潮洶湧嘅燒魷魚屋台時，跟著排隊就啱了！
燒粟米 （焼とうもろこし）
日本燒粟米除咗喺好多香港人心中都好熟悉，充滿日本醬油風味嘅燒粟米好受日本民眾歡迎。
日本祭典嘅屋台小食， 除咗烤魷魚、燒粟米等鹹味嘅食物外，當然唔少得甜嘅小食。
蘋果糖 (りんごあめ)
蘋果糖可以算係日本祭典裡一定會出現嘅屋台。蘋果插上竹籤、外面淋上紅色糖漿後，待其凝固嘅一種點心。蘋果糖葫蘆亦日本屋台嘅一道風景。除了蘋果糖之外，有時候還可以看到草莓糖、橘子糖...等。秋天係蘋果嘅收成期，小朋友特別用日本最出名嘅青森蘋果製作甜美嘅蘋果糖。參加祭典食蘋果糖嘅情節，相信有睇日本漫畫嘅爸爸媽媽一定唔會陌生。
今個秋季，同小朋友一齊嚟參加日本「七五三」節和紅葉狩，體驗一次不一樣嘅拍攝。
.
