top of page

【春の限定】 Natural 春祭 x 櫻の季節

  • Andrea Ho Photography
  • May 5, 2020
  • 5 min read

京都作為日本最古色古香嘅城市,市內有好多著名嘅神社和寺廟,春天時到訪京都,處處都係賞櫻嘅好地方!美麗古樸嘅街道和神社寺院與櫻花互相輝映嘅景象係京都獨有嘅風景。櫻花喺春風吹拂下形成一幅櫻吹雪美景,我哋一齊跟隨住日本男孩女孩們穿著正式和服拾級而上到地主神社參拜。

遵守「二禮二拜手一禮」 參拜儀式

唔少旅客到日本旅行時,都好喜歡去日本神社參拜祈福,其實好多日本人新年或春天時都會著上正式嘅和服到神社參拜。小朋友換上與別不同嘅華麗和服到神社參拜,肯定可以吸引眾人嘅目光。關於參拜,大家又知唔知日本神社嘅參拜流程呢?理解了各步驟嘅含意後,也更能體會日本人發自內心對神明嘅敬意。

1. 賽錢

到達神社正殿,首先要先把賽錢(意思係添香油錢)投入賽錢箱中,賽錢係給神明嘅貢物。參拜時會投入 5 圓日幣一枚,5 円係吉利嘅數目,因日文 5 與「緣」同音,取其結緣之意,一般都會投入105円。另外參拜時,手上不要拎住手袋及其他東西,可將手袋揹喺身上或放置於腳邊。

2. 搖鈴

投完賽錢後即可輕搖正殿前嘅搖鈴,搖鈴除了對神明致意、祈求保佑、實現願望之外,清澈嘅鈴聲也有除厄嘅含意呢!(有些神社沒有搖鈴則可以省略此步驟)。

3. 鞠躬及拍手

搖鈴後嘅步驟係向神明鞠躬兩次,以展現對神明嘅敬意,鞠躬完需要拍手兩次,其中拍手意味著高興和感動,表示參見神明的喜悅與對神的敬意。拍手後向神明祈願完需心懷感謝之意合掌一次,最後再鞠躬一次才算完成。

參拜步驟「二禮二拍手一禮」即:【賽錢→搖鈴→鞠躬兩次(二禮)→拍兩次手(二拍)→合掌→鞠躬一次(一禮)】。大家參拜完後走出鳥居時,記得要往神明方向鞠躬一次。

神社巫女 / 神職人員體驗

大家去日本神社嘅時候都一定會見過巫女喺神社內工作,身穿白色小袖、緋袴嘅巫女,係聞名世界各地嘅日本傳統文化之一。巫女係神社嘅神職人員,工作係服務到神社參拜嘅人士,最常見嘅工作就係最常見到嘅販賣御守、兌換籤詩等負責神社周邊商品。其實巫女沒有我們想像嘅咁神秘、難以親近,小朋友可以一齊體驗神社巫女或神官嘅工作啦!

嚟到神社參拜後,大家亦可以購買御守隨身攜帶,日本嘅御守即為護身符,可愛嘅巫女會為大家介紹適合你嘅御守~ 大家可以為自己求亦可以當作禮物送給家人朋友。通常御守有分為健康、財運、交通安全、學業、事業運及戀愛等,購買前記得睇清楚~

神社嘅角落有俾參拜者掛「繪馬」嘅區域,奉納繪馬係日本自古以來嘅宗教文化,而繪馬嘅發源地就係位於京都嘅貴船神社。參拜者購買繪馬後,喺繪馬上寫下自己嘅願望並獻給神明,亦係一種祈願方式。

製作日本年糕

小朋友除咗賣御守,仲可以親自體驗製作日式鏡餅。日本嘅鏡餅( かがみもち Kagami Mochi)係供奉俾神靈嘅一種年糕,神社嘅神職人員親自製作鏡餅,希望神靈保佑人們來年生活平安、五穀豐登。

鏡餅本身是由年糕組成,而傳統年糕做法就係將糯米浸泡一夜後,用大火持續蒸熟,之後將其趁熱放入木臼中,用木杵對糯米進行敲打,打成糯米糰。鏡餅一般由大小兩個餅重疊在一起供奉,在第二段處用表示吉祥嘅紅白兩種顏色繩帶裝飾。

揭開日本宮廷盛裝「十二單」嘅神秘面紗!

到京都穿和服體驗已經成為大家必做嘅指定動作之一,但一般嘅和服體驗,可能已經不能滿足大家,所以今次為大家介紹超華麗重量級嘅和服推介 — 「十二單」(女仔) 與 「水干」(男仔)!(所有和服都係我哋專程飛到日本購買㗎!)

「十二單」

普通和服常見,十二單卻難得一見。對於曾經觀看日本大河劇或者讀過日本經典文學嘅朋友嚟說,對《源氏物語》當中嘅女角們層層疊嘅服裝大家都不會陌生。即使沒有看過,相信各位都知道吉卜力工作室《輝耀姬物語》故事,仲記得輝耀姬公主身上那件有華麗又色彩繽紛而且非常精巧嘅和服嗎?就係十二單嚟㗎啦!

十二單係日本自平安時代(794年 – 1185年)以來貴族女性最為正式嘅服飾。根據身分高貴與卑賤,越高貴嘅女性衣服便越多層。十二單如今只會用於天皇登基等重要儀式,去年新天皇德仁即位時,雅子皇后與一眾日本皇室女眷顧就係穿著嘅十二單出席典禮。

傳統「十二單」每件顔色花紋都不同,層層相叠,從領扣、袖口、裙邊最能看出這種極富古典色彩美嘅變化。雖然每一層只露出一點點,但就在這一點點上融入了衆多季節元素,包括不同季節嘅顔色、花卉、動物等等,足以看出這種傳統服飾精緻與典雅。場合不同紋樣也不同。據説過去有些貴族對衣服講究至極,叠穿20多件而無法自己行路。難怪平安時代嘅貴族女性都不能外出,只能喺房間裏面玩,男性要認識她們就可以喺房外偷窺(即進行所謂「垣間見」)呢!

我哋特別喺日本購入適合小朋友穿著嘅「十二單」,小公主可以舒舒服服著靚靚體驗古代嘅日本公主嘅日常。

「水干」

「水干」係日本平安時代嘅男子服飾,發展到係貴族尚未施元服之禮嘅男童所穿服飾,係由狩衣演變出來嘅簡略化裝,領口用長線系結的斜門襟短上衣裝束。原本係武家嘅便服,後來公家亦會穿著。宜家一般和服店都唔會又「水干」服飾購買或租借,我哋拜託一直合作嘅和服商,終於搵到咁特別嘅「水干」俾男孩子穿著拍攝。

平安時代中期,貴族社会使特定嘅官職世襲化,形成了「繼承家業」發展,以武藝為才能的武士家族們,逐漸成為武家世族。鎌倉時代以後,由於用「武家」來稱呼以「武力」對朝廷效勞的幕府將軍與守護大名、武士等;水干也有公家和武家之分。公家男童穿嘅水干結是左右對稱系在前胸處,而武家男童嘅水干結係將繩帶從右肩向左肋方向繞至前胸再打結,並且要把後裾塞入水干褲裡。穿著水干裝束嘅男童模樣十分可愛。

今個春季,小朋友同媽媽爸爸一齊嚟參加日本春祭 x 櫻の季節,換上華麗嘅「十二單」/「水干」,體驗不一樣嘅和風拍攝。

Comments


Featured Posts

Post Categories

Cake Smash

New Born

Natural

Recent Posts
Archive
Search By Tags
Follow Us
  • facebook.png
  • instagram.png
Andrea Ho Photography
By Appointment
Phone: 9179-7113
Email: info@andreahophotography.com
 

 

 

Office Hours

Mon – Fri: 10AM - 6PM

Sat – Sun: 10AM - 7PM

 

© 2020 by Andrea Ho Photography. 

 

 

 

All photos and text are copyright 2020 Andrea Ho Photography Hong Kong and may not be reproduced or used in any manner without permission.

bottom of page