去旅行慶祝生日，係好多朋友都鍾意嘅慶祝方法，今次同大家介紹日本慶生小提案，一次過可以賞櫻、浸溫泉、仲可以近距離觀賞富士山。
鍾情日本嘅朋友一定知道，富士山係日本文化嘅象徵。到富士山朝聖，係好多人到日本旅行不可缺少嘅重要行程之一。作為日本第一高峰，亦係世界遺產嘅富士山氣勢雄偉，呈圓錐形嘅山形線條十分優美。
如果大家想睇到富士山就要靠D運氣先得。而好多人都會選擇到河口湖同富士山拉近距離。一場嚟到河口湖，當然要入住河口湖畔嘅日式溫泉旅館。
【浸溫泉初體驗】
高級嘅溫泉旅館頂層嘅私人露天風呂中，小朋友可以享受極高私隱度嘅溫泉時光。一邊浸溫泉，可以一覽無遺地眺望富士山和河口湖，富士山與湖景互相襯托，美不勝收。真係人生一大享受。除咗無遮擋河口湖及富士山美景，季節、時間得宜仲可以睇到「逆富士」！
浸溫泉嘅禮儀：
喺日本浸溫泉規矩多多，第 1 次浸溫泉之前，大家要好好學習，以免失禮人前。大家一定要遵守嘅泡湯禮儀 (適用於溫泉同錢湯)，等你可以做個溫泉達人!
1. 浸溫泉前要先沖澡
所謂「沖澡」，係指進入溫泉前用熱水沖洗身體。其實「沖澡」嘅順序基本上由雙腳開始、到雙手同身體，再洗頭，最後用花灑沖洗乾淨全身嘅泡泡，搞掂就可以準備入浴！
咁點解進入溫泉前要先沖澡嘅原因有兩個 : （i）洗乾淨身上污垢，以免整污糟溫泉
（ii）令身體變暖，適應溫泉嘅溫度
之前有日本網站向全國 500 名女性做咗問卷調查，選出 5 大「溫泉討厭行為」，頭 2 位係身上仲有泡泡就去浸溫泉與冇沖涼就泡湯。大家一定要記住沖乾淨全身先好去浸溫泉！
2. 全裸入浴泡湯
日本絕大部份溫泉都係浸「裸湯」，無論係男湯定係女湯，任何衣物或毛巾絕對唔可以入池 (除咗極小部份混浴溫泉可以俾人包住毛巾入浴外)。毛巾睇落乾淨，但實際上含有好多細菌，而細菌會污染溫泉水。所以將細毛巾摺好放喺頭上或者放喺池邊，唔好俾毛巾浸到溫泉水。
「蘋果の湯」與「柚子の湯」
小編介紹嘅溫泉當然唔會咁單調，除咗享受正宗日本檜木所製作的風呂所帶嚟嘅檜木香氣外，仲會有秋冬季節限定嘅「蘋果の湯」 （蘋果溫泉）與「柚子の湯」（柚子溫泉）。「柚子の湯」可以預防感冒，而且被柚子香氣包圍，感覺非常清新，疲勞盡消。
秋冬季節除咗有清新嘅「柚子の湯」，當然仲有香甜嘅「富士蘋果の湯」。同新鮮富士蘋果一起浸溫泉，聞住濃郁嘅蘋果香味真係好治癒！（記得溫泉內嘅水果唔好攞嚟食啊～）
「夏祭の湯」（期間限定：4 - 9 月）
夏季限定的版本為小朋友帶嚟最可愛的溫泉玩具，有撈金魚、吊水球、拋圈圈等，全部都係日本小朋友參加夏季祭典最愛的攤位遊戲，我哋特別從日本訂購，全部都非常適合小朋友入浴時玩的迷你版本～小朋友浸住溫泉都有得玩，真係好開心、好興奮㗎～
浸溫泉後要好好補充水份
浸個舒服溫泉，熱熱嘅溫泉水令痠軟、繃緊嘅肌肉鬆馳番，諗起都爽到爆！浸溫泉後記得要補充水份，而日本人好鍾意浸完溫泉之後，都會買番樽牛奶飲！
原來多年前日本尚未發展，當時嘅牛奶商睇準時機，向各大錢湯放置樽裝牛奶售賣機，俾一班沖完涼舒舒服服想歎番杯嘢飲嘅日本人。結果，樽裝牛奶非常好賣，所以「浸溫泉後飲牛奶」嘅文化亦隨着時代而傳承至今。
另有一個講法係，溫泉過後體內水分流失不少，上水後如果即刻暴飲暴食，為身體帶嚟好大負擔，所以以前嘅牛奶商就供應樽裝牛奶。飲啖冰涼牛奶，既可以補充必須養分，又可以歎到冰冰凍嘅飲品舒服啲！
宜家嘅日本，用玻璃樽裝的牛奶喺城市嘅便利店和超市很難見到，所以去溫泉嘅時候買玻璃瓶牛奶仍然具有相當大嘅魅力。對於日本人嚟說，呢個情境亦能喚起佢哋懷舊之心。
【春の櫻花祭】
我哋熱愛日本文化嘅場景設計師將夜櫻櫻花祭完美咁呈現喺大家面前，由一朵櫻花到整個背景，由一個小燈籠到整個屋台，都係全部 handmade，希望小朋友同媽咪爹哋一齊感受夜櫻及日本祭典嘅氛圍！
1 歲生日嘅 BB 可以體驗著上華麗和服，參加我哋舉辦嘅夜櫻櫻花祭，喺櫻花樹下享用美味嘅日式三層便當，飲酒作樂之餘，仲可以玩到日本傳統嘅小遊戲，有百人一首、木製陀螺等。
除此之外，小朋友仲會變身屋台檔主，喺櫻花祭中賣章魚燒、三色櫻花糰子同櫻花鯛魚燒。
而在著名賞櫻勝地河津町嘅櫻花祭典中，就可以找到超受歡迎的「櫻花鯛魚燒」。
鯛魚燒的外皮以櫻花和糯米製成，而內餡則塞滿了紅豆蓉，可說是內外兼備。喜歡打卡影相嘅你一定唔可以錯過粉紅色鯛魚燒與櫻花呢個絕配嘅組合。
最後當然唔少得 BB 著住我哋親自設計嘅富士山櫻花一歲生日Tee，變番最可愛嘅小遊客大玩 Cake Smash！
